Seuldakı diaspor üzvlərimiz koreyalı deputatla görüşüb - FOTO
Bu xəbəri paylaş
Seul şəhərində fəaliyyət göstərən Buta Azərbaycan-Koreya Dostluq Assosiasiyası rəhbərliyi Koreya Respublikası Parlamentinin üzvü, Koreya-Azərbaycan Parlamentlərarası Dostluq Qrupunun rəhbəri So Byonq-Su ilə görüşüb.
Koreyanın Milli Assambleyasında baş tutan görüş zamanı iqtisadi, mədəni və digər sahələr üzrə əlaqələrin daha da gücləndirilməsini hədəfləyən fəaliyyət istiqamətlərinə dair fikir mübadiləsi aparılıb. Assosiasiyanın sədri Cəmil Vəliyev ölkələrimiz arasındakı dostluq əlaqələrinin inkişafı istiqamətində diaspor təşkilatının həyata keçirdiyi və gerçəkləşdirilməsini nəzərdə tutduğu layihələr barədə ətraflı məlumat verib.
Görüşün sonunda koreyalı deputata Azərbaycan haqqında kitablar, “Qarabağ xanəndələri” musiqi albomu və “Xarı Bülbül” nişanı hədiyyə edilib.
Bu xəbəri paylaş
(İsmayılova Xeyransa Eldəniz qızı)
.gif)
