Masallıda şəhid qardaşların ailəsi ziyarət edilib Akif Ağayev (AZpress.AZ)
Bu xəbəri paylaş
Masallıda şəhid qardaşların ailəsi ziyarət edilib
Vətən Müharibəsi Qəhrəmanının adını daşıyan oğlunun doğum günündə
Masallı rayonunun Viləş kəndində şəhid qardaşların – Vətən Müharibəsi Qəhrəmanı İntiqam Əsgərlinin və Aprel döyüşləri qəhrəmanı Nurlan Əsgərlinin ailəsi ziyarət edilib.
Masallı Rayon İcra Hakimiyyəti Başçısının müavini Aybəniz Qafarova, YAP Masallı rayon təşkilatının sədri Seyfəddin Əliyev, RİHB-nın Vətən müharibəsi iştirakçıları və şəhid ailələri ilə işin təşkili şöbəsinin müdiri Qəşəm Hadıyev və digər məsul işçilər şəhid ailəsi ilə görüş zamanı Vətən Müharibəsi Qəhrəmanı, şəhid gizir İntiqam Əsgərlinin adını daşıyan övladı – balaca İntiqamı doğum günü münasibətilə təbrik edərək, ailə üzvlərinin qayğıları ilə maraqlanıb, Vətənin igid övladlarına Allahdan rəhmət diləyiblər.
Vətən uğrunda canından keçmiş Nurlan və İntiqam Əsgərli qardaşlarının valideynləri - Ziba və Bayram Əsgərovlar övladları ilə fəxr etdiklərini və onlara göstərilən diqqət və qayğıya görə dövlətimizin başçısı cənab İlham Əliyevə və Birinci vitse-prezident Mehriban xanım Əliyevaya minnətdarlıqlarını bildiriblər.
Məlumat üçün bildirək ki, Nurlan Əsgərli Aprel döyüşlərində, İntiqam Əsgərli isə 44 günlük Vətən müharibəsində qəhrəmancasına döyüşərək şəhidlik zirvəsinə yüksəliblər. Hər iki qardaş Xüsusi Təyinatlı Qüvvələrinin kəşfiyyat bölüyundə xidmət edib.
Akif AĞAYEV,
MASALLI.
Bu xəbəri paylaş
(İsmayılova Xeyransa Eldəniz qızı)
.gif)
