Gömrük Akademiyasının tələbələri Kinoloji Mərkəzdə olublar - FOTO
Bu xəbəri paylaş
Dövlət Gömrük Komitəsinin Akademiyasının tələbələrinin qruplar üzrə Dövlət Gömrük Komitəsinin Kinoloji Mərkəzinə ekskursiyası təşkil edilib. Kinoloji fəaliyyətin təşkili, eləcə də gömrük nəzarətinin həyata keçirilməsi üzrə tələbələrin əyani biliklərinin artırılması məqsədilə təşkil edilən ekskursiya zamanı iştirakçılar Mərkəzin gündəlik iş prosesi və fəaliyyəti ilə yaxından tanış olublar.
Səfər çərçivəsində Kinoloji Mərkəzin yaranması, fəaliyyəti, eləcə də gömrük keçid məntəqələrində kinoloji xidmətin təşkili barəsində tələbələrə ətraflı məlumat verilib. Ekskursiya zamanı tələbələr müasir avadanlıqlarla təchiz olunmuş baytarlıq klinikası, reanimasiya otaqları, təlim meydançaları, kinoloji siniflər, həmçinin mərkəzin tərkibində fəaliyyət göstərən muzey ilə də yaxından tanış olaraq maraqlı məlumatlar əldə ediblər.
Daha sonra Mərkəzin təlim meydançasında xidməti axtarış itlərinin narkotik vasitələrin və digər qadağan olunmuş maddələrin aşkar edilməsi üzrə bacarıqları ekskursiya iştirakçılarına əyani olaraq nümayiş etdirilib.
Sonda tələbələri maraqlandıran suallar mütəxəssislər tərəfindən ətraflı olaraq cavablandırılıb.
Bu xəbəri paylaş
(İsmayılova Xeyransa Eldəniz qızı)
.gif)
