Botanika İnstitutunda Yeni Azərbaycan Partiyasının ilk ərazi partiya təşkilatının iclası keçirilib +FOTO=3
Bu xəbəri paylaş
Botanika İnstitutunda Yeni Azərbaycan Partiyasının ilk ərazi partiya təşkilatının iclası keçirilib
AMEA Botanika İnstitutunda Yeni Azərbaycan Partiyası (YAP) Səbail rayon təşkilatının yeni “Botaniklər” ərazi ilk partiya təşkilatının hesabat-seçki yığıncağı keçirilib.
İclasda AMEA Botanika İnstitutunun baş direktoru, b.e.d., professor Səyyarə İbadullayeva, YAP Səbail rayon təşkilatının sədri Muxtar Nağıyev və Botanika İnstitutunun YAP üzvü olan əməkdaşları iştirak ediblər. Öncə ərazi partiya təşkilatının ötən dövr ərzindəki fəaliyyəti barədə hesabat məruzəsi dinlənilib. Çıxış edənlər ərazi partiya təşkilatının hesabat dövrü ərzindəki fəaliyyətini qənaətbəxş qiymətləndiriblər.
Çıxışlardan sonra təşkilati məsələlərə baxılıb. Professor Səyyarə İbadullayeva yekdilliklə ərazi partiya təşkilatının sədri, Şəhla Mirzəyeva sədr müavini seçilib.
YAP Səbail rayon təşkilatının sədri Muxtar Nağıyev yeni seçilən sədri və sədr müavinini təbrik edərək işlərində uğurlar arzulayıb, partiya üzvlərini partiyanın fəaliyyətində daha da yaxından iştirak etməyə çağırıb.
Sonda bir qrup şəxsin partiyaya üzv olmaq üçün etdikləri müraciətlərə baxılıb. YAP Səbail rayon təşkilatı və AMEA-nın Botanika İnstitutu arasında gələcək əməkdaşlıq planları müzakirə olunub.
Bu xəbəri paylaş
(İsmayılova Xeyransa Eldəniz qızı)
.gif)
