Şəhid Əli Nəcəfovun adını daşıyan gəmi dünya sularında Şəhid Əli Nəcəfovun adını daşıyan gəmi dünya sularında (AZpressAZ -Akif Ağayev+FOTO=3)
Bu xəbəri paylaş
Şəhid Əli Nəcəfovun adını daşıyan gəmi dünya sularında (AZpressAZ -Akif Ağayev+FOTO=3)
“Palmali”nin növbəti gəmisi şəhid Əli Seyran oğlu Nəcəfovun adını daşıyacaq
Mübariz Mənsimov başda olmaqla “Palmali Holdinq”in İdarə Heyətinin qəbul etdiyi qərara əsasən, şirkətlər qrupuna məxsus gəmilərin adları dəyişdirilərək, Vətən uğrunda qəhrəmancasına həlak olmuş şəhidlərimizin adları verilir. Məqsəd şəhidlərimizin adlarını ucaltmaq və dünya sularında tanıtmaqdır. İlk gəmiyə şəhid general-mayor, Azərbaycanın Milli Qəhrəmanı Polad Həşimovun adı verilib. “General Polad Hashimov” gəmisi 30 mart tarixində Türkiyədən dünya sularına yola salınıb.
“Palmali” Şirkətlər Qrupu növbəti gəmiyə Vətən müharibəsi şəhidi Əli Seyran oğlu Nəcəfovun adını vermək qərarına gəlib.
Aprel ayının 16-da Bolqarıstanın Varna şəhərindəki “Terem Shipyard” tərsanəsindən, II Qarabağ müharibəsində şəhid olmuş Əli Seyran oğlu Nəcəfovun adını daşıyan neft tankeri istifadəyə verilərək dünya sularına buraxılacaq. Uzunluğu 140 metr, 17 m genişliyində olan tankerin yükdaşıma qabiliyyəti 7000 dwt-dir.
Qeyd edək ki, Əli Seyran oğlu Nəcəfov 24 may 1998-ci ildə Masallı rayonunun Tüklə kəndində anadan olub. 2016-2020-ci il tarixlərdə Azərbaycan Universitetinin “Maliyyə” fakültəsində «Maliyyə və İqtisadiyyat» ixtisası üzrə ali təhsil alıb.
Azərbaycan Ordusunun əsgəri olan Əli Nəcəfov 2020-ci il sentyabrın 27-dən Azərbaycan Silahlı Qüvvələri tərəfindən Ermənistanın işğalı altında olan ərazilərin azad edilməsi və Azərbaycanın ərazi bütövlüyünün bərpa olunması uğrunda aparılan Vətən müharibəsi zamanı Hadrut qəsəbəsinin və Cəbrayılın azadlığı naminə gedən döyüşlərdə savaşıb. Əli Nəcəfov oktyabrın 20-də Cəbrayıl döyüşləri zamanı şəhid olub.
Azərbaycan Respublikasının Prezidenti cənab İlham Əliyevin müvafiq Sərəncamlarına əsasən Əli Seyran oğlu Nəcəfov ölümündən sonra «Vətən uğrunda», «Xocavəndin azad olunmasına görə» medalları ilə təltif edilib.
Şəhidimiz Masallı rayonunun Tüklə kəndində dəfn olunub.
AKİF AĞAYEV.
Bu xəbəri paylaş
(İsmayılova Xeyransa Eldəniz qızı)
.gif)
