Ombudsman autizmli uşaqlarla görüşlər keçirib
Bu xəbəri paylaş
Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyeva Gənclər və İdman Nazirliyinin dəstəyi ilə təşkil olunan II Autizm Festivalının açılışında iştirak edib.
Ombudsman Səbinə Əliyeva dövlət rəsmilərinin, bu sahədə fəaliyyət göstərən reabilitasiya mərkəzləri və idman klublarının nümayəndələrinin iştirakı ilə keçirilən tədbirdə çıxış edərək, iştirakçılara uğurlar arzulayıb.
Festival iştirakçıları ilə görüşü zamanı Ombudsman sərgilənən əl işləri ilə tanış olub, xatirə kitabına ürək sözlərini yazıb.
Daha sonra S.Əliyeva Autizm spektr pozuntusu olan uşaqlar üçün Bərpa Mərkəzinə baş çəkib. Ombudsman uşaqların saxlanıldığı şərait, inkişaf dinamikası və reabilitasiya prosesi ilə tanış olub.
Sonda uşaqların hazırladığı əl işləri və bədii çıxışlar təqdim olunub.
Bu xəbəri paylaş
(İsmayılova Xeyransa Eldəniz qızı)
.gif)
