BDU-nun rektoru Elçin Babayev Çex Respublikasının səfiri Milan Ekertlə görüşüb +FOTO=2
Bu xəbəri paylaş
BDU-nun rektoru Elçin Babayev Çex Respublikasının səfiri Milan Ekertlə görüşüb
Bakı Dövlət Universitetinin (BDU) rektoru Elçin Babayev Çex Respublikasının Azərbaycandakı fövqəladə və səlahiyyətli səfiri Milan Ekertlə görüşüb.
Rektor Elçin Babayev səfiri BDU-da görməkdən məmnun olduğunu bildirib. O qeyd edib ki, BDU-nun Çex Respublikasının ali təhsil müəssisələri ilə müxtəlif istiqamətli əməkdaşlığı mövcuddur. BDU-nun Çex Respublikasının Palaski Universiteti, Praqa Texniki Universiteti, Karlov Univeristeti, Cənubi Bohemia Universiteti ilə müxtəlif illərdə müqavilələr imzaladığını xatırladan Elçin Babayev həmin universitetlərlə magistratura və doktorantura təhsil səviyyələri üzrə mübadilə və ikili diplom proqramları, birgə müsabiqələr, kadr hazırlığı, elmi-tədqiqat layihələri, elmi simpozium, seminar, konfrans, ixtisasartırma kursları və tədris planlarının təşkili istiqamətlərində əməkdaşlığın həyata keçirildiyini qeyd edib.
Səfir görüşə görə təşəkkürünü bildirib və qarşıdakı illərdə iki ölkə arasında elm və təhsil sahəsində əlaqələrin daha da genişlənəcəyinə ümid etdiyini vurğulayıb.
Görüşdə BDU və Çex Respublikasının ali məktəbləri arasında elmi-təşkilati əlaqələrin daha da dərinləşməsi məsələləri müzakirə olunub.
Bu xəbəri paylaş
(İsmayılova Xeyransa Eldəniz qızı)
.gif)
