Gülağa Tənha: GÜNLƏRİN ÖTÜŞÜR DE, NECƏ MƏNSİZ

Bu xəbəri paylaş

Gülağa Tənha:

GÜNLƏRİN ÖTÜŞÜR DE, NECƏ MƏNSİZ

Zər-ziba içində yüz il qalsa da,
Bülbül fərəhlənməz gülsüz, çəmənsiz.
Ayrıldıq, gəlməyir səndən səs-səda,
Günlərin ötüşür de, necə mənsiz?

De, özün necəsən, ürəyin necə,
Yata bilirsənmi söylə, sən gecə,
Yuxuna gəlirmi yarın gizlicə,
Günlərin ötüşür de, necə mənsiz?

Qəlbimdən qoparıb eşqi atmadım,
Bir göyqurşağısan, sənə çatmadım,
Səndən ayrılığa çarə tapmadım,
Günlərin ötüşür de, necə mənsiz?

Vüsalın əbədi qismətim oldu,
Ayrılıq ən acı şərbətim oldu,
Məni yaşadan da həsrətim oldu,
Günlərin ötüşür de, necə mənsiz?

Moskva, 25.12.2003

( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır )

Bütün hüquqlar qorunur ! Xəbərlərdən istifadə edərkən www.AZpress.AZ saytına istinad zəruridir !

BAŞ REDAKTOR : XEYRANSA İSMAYILOVA
(İsmayılova Xeyransa Eldəniz qızı)

WhatsApp: https://wa.me/994515203020