Gülağa Tənha: QƏLƏMİM

Bu xəbəri paylaş

Gülağa Tənha:

QƏLƏMİM

Ustaya külüngü qələmdi, vallah,
Qanana qələm də külüng kimidi…

Ürəyimdən keçənləri
Ömrümə yazdı qələmim.
Hər kəlməni öz adına –
Dadına yozdu qələmim.

Qüssə daddı bar əvəzi,
Qəhər sıxdı nar əvəzi,
Ağrını paltar əvəzi
Geyinib dözdü qələmim.

Yaşadarmı söz – yaşımı,
Ocağımda köz – daşımı?
Kəlmə-kəlmə göz yaşımı
Badəmə süzdü qələmim.

Gözlərimin yağı olub,
Özü boyda ağı olub,
Varaq-varaq ağrı olub
Canımı üzdü qələmim.

Bilmədim nə qəsddi belə,
Nə maraq, həvəsdi belə,
Söz yolumu kəsdi belə,
Kim deyir bezdi qələmim?

( Sos.şəbəkədə gedən yazışmanin FOTO-ƏKSİndə olan qramatik və məzmun səhvlərinə görə redaksiya məsuliyyət daşımır )

Bütün hüquqlar qorunur ! Xəbərlərdən istifadə edərkən www.AZpress.AZ saytına istinad zəruridir !

BAŞ REDAKTOR : XEYRANSA İSMAYILOVA
(İsmayılova Xeyransa Eldəniz qızı)

WhatsApp: https://wa.me/994515203020