Qadın voleybol yığmamız AÇ-2023-ün seçmələrində Sloveniyaya yenə də uduzub -İNTİQAM təqdim edir (AZ-press.AZ)

Qadın voleybol yığmaları arasında AÇ-2023-ün seçmə qrup oyunları çərçivəsində növbəti turun oyunları keçirilib. Seçmələrin D qrupunda yer alan Azərbaycan komandası hesabat turunda Sloveniya millisinin qonağı olub. Təəssüflər olsun ki, baş məşqçisi Eldar Yusubov olan Azərbaycan komandası bir həftə öncə doğma divarlar arasında olduğu kimi bu dəfə də Sloveniya ilə qarşılaşmada məğlubiyyətlə üzləşib  - 3:1 (25:16, 25:18, 19:25, 25:15). Bu oyunu bir növ Bakıda keçirilən ilk qarşılaşmanın təkrarı kimi də qiymətləndirmək olar. Çünki hər iki oyunda (evdə və səfərdə) yığmamız 1:3 hesabla uduzub. Hələ Bakıda yığmamız üzərində qələb qazandıqdan sonra 11 xalla yarış cədvəlində liderliyi ələ alan Sloveniya millisi bu qələbədən sonra aktivindəki xalların sayını 14-ə catdırmaqla rəqibləri üçün əlçatmaz olub və birinci pilləni özünə qarantlamaqla qrup lideri kimi vaxtından əvvəl AÇ-2023-ün final mərhələsinə vəsiqə qazanıb. Hazırda Azərbaycan komandası 9 xalla ikinci, Avstriya 4 xalla üçüncü, xalı olmayan Gürcüstan millisi isə sonuncudur.