BDU-nun rektoru Tarix fakültəsinin I kurs tələbələri ilə görüşüb
Bu xəbəri paylaş
BDU-nun rektoru Tarix fakültəsinin I kurs tələbələri ilə görüşüb
Bakı Dövlət Universitetinin (BDU) rektoru Elçin Babayev I kurs tələbələri ilə silsilə görüşlərə başlayıb. Görüşlərin keçirilməsində məqsəd tələbələrə BDU-da həyata keçirilən tədris prosesi, Universitetin sosial həyatı barədə məlumat vermək, onların ali məktəb həyatına adaptasiyasına yardım etməkdir.
Növbəti görüş Tarix fakültəsinin I kurs tələbələri ilə keçirilib.
Rektor Elçin Babayev qeyd edib ki, 103 illik tarixə malik Universitetin 16 fakültəsində 25 mindən artıq tələbə təhsil alır. İndiyədək BDU 200 min nəfərədək ixtisaslı kadr yetişdirib. BDU məzunları müxtəlif qurumlarda, dövlət təşkilatlarında, eləcə də xarici ölkələrdə Azərbaycanı layiqincə təmsil edirlər. BDU-nun ən böyük məzunu isə Ümummilli liderimiz Heydər Əliyevdir.
Elçin Babayev 44 günlük Vətən müharibəsində şanlı Zəfərə imza atan və getdikcə qüdrətlənməkdə olan ölkəmizin gənclərinin üzərinə böyük məsuliyyət düşdüyünü qeyd edib. Bildirib ki, xüsusilə Tarix fakültəsinin tələbələri tariximizi dərindən öyrənməli, təbliğ etməli, informasiya müharibəsində yaxından iştirak etməlidirlər.
Bu xəbəri paylaş
(İsmayılova Xeyransa Eldəniz qızı)
.gif)
